«Ինձ հետաքրքիր է, լավ, ովքեր են եղել ինկվիզիտորները, որ մարդկանց խարույկի են հանել, բայց աստիճանաբար տեսնում եմ, որ այդ կերպարները մնացել են։»,- այսօր՝ հունվարի 21-ին, ԱԺ հերթական նիստում ՀՌՀ անդամի պաշտոնում Արթուր Մանուկյանի թեկնածության վերաբերյալ քննարկմանը հայտարարեց «Քաղաքացիական պայմանագիր» խմբակցության պատգամավոր Վիգեն Խաչատրյանը։
և հավելեց, որ ինքը միշտ խուսափել է այդպիսի կերպարներից. «Այն կերպարներից, որոնք միշտ ճիշտ են. դրանց «միշտ ճշտից» վտանգավոր բան չկա»:
Նրա խոսքով՝ հիմա մենք անցնում ենք մեր պետականությունը կառուցելու և կայացնելու փուլ. «Իհարկե պետությունը պետք է լինի ազգային, հենվի մեր արմատների վրա, բայց նա չի կարող չարմատավորել համամարդկային արժեքները: Դրանք պետք է զուգորդվեն»:
Վիգեն Խաչատրյանը նշեց, որ երբ պետությունը բռնազավթվեց, ժողովրդավարական ինստիտուտները սկսեցին այլասերվել. «Հիմա, երբ մենք պետականությունը մաքրում ենք 20 տարվա կեղտից, այդ կեղտը կուտակածներից ոմանք նորից ուզում են իշխանություն զավթել:
Հիմա այդ հանձնաժողովներ պետք է մուտք գործեն ազգային ու համամարդկային արժեքները կարևորող անհատներ: Խի մենք չգիտե՞նք՝ նախկինում ինչո՞ւ են այդ մարդիկ գնացել այդ հանձնաժողովներ: Մեղք եք, ժողովուրդը վերջնականապես երես կթեքի ձեզանից, մի հատ հաշիվ տվեք՝ ում հետևից եք գնում: Ինչո՞ւ եք ստում՝ ձեր նպատակը իշխանության բերելն է, ոչ թե իշխանություն փոխելը: Գիտենք՝ ում եք ուզում բերել, տեսել ենք այդ մարդուն»:
Մեզ կարող եք հետևել նաև Instagram-ում։
