Հակոբ Սիմիդյանն աշխատակազմին է ներկայացրել նորանշանակ տեղակալին։ Այս մասին նա գրել է կայքէջում մասնավորապես նշելով․
«ՀՀ վարչապետ Նիկոլ Փաշինյանի որոշմամբ Արամ Մեյմարյանը նշանակվել է շրջակա միջավայրի նախարարի տեղակալ։Ներկայացնելով Արամ Մեյմարյանին՝ առանձնահատուկ ընդգծել եմ նորանշանակ տեղակալի՝ մասնավոր հատվածում երկար տարիների աշխատանքային փորձը և մասնագիտական հմտությունները, որոնք նախարարության աշխատանքներին նոր լիցք կհաղորդեն ու արդյունավետության նոր շեմ կսահմանեն։
Շնորհակալություն հայտնելով վստահության համար, նախարարի տեղակալը պատրաստակամություն է հայտնել իր փորձն ու գիտելիքները ներդնել շրջակա միջավայրի ոլորտում մեկնարկած բարեփոխումները կյանքի կոչելու գործում և համատեղ ուժերով հասնել լուծել ոլորտում առկա խնդիրները։
Արամ Մեյմարյանին վստահված է համակարգել Շրջակա միջավայրի նախարարության 2 վարչությունների, Անտառային կոմիտեի և 7 ՊՈԱԿ-ների աշխատանքները»։
