Չեչնիայի ղեկավար Ռամզան Քադիրովն ասել է, որ եթե ինքը լիներ ՌԴ նախագահը, ապա «վաղուց կվերցներ Ուկրաինան», զորքեր կուղարկեր այնտեղ և «կարգ ու կանոն կհաստատեր»։ Երեքշաբթի՝ հունվարի 25-ին, նրա խոսքերը մեկնաբանել է Վլադիմիր Պուտինի մամուլի քարտուղար Դմիտրի Պեսկովը, գրում է ՏԱՍՍ-ը։
«Ինչպես Ռուսաստանի բոլոր քաղաքացիները, Ռամզան Քադիրովը կարող է առաջադրվել որպես թեկնածու հաջորդ նախագահական ընտրություններում: Այս իրավունքը սահմանադրությամբ ամրագրված է ՌԴ որոշակի տարիքի յուրաքանչյուր քաղաքացու համար, ով իրավական որեւէ սահմանափակում չունի:
Սակայն հիմնականում ուզում եմ հիշեցնել, որ Ռուսաստանի արտաքին քաղաքականության հիմունքները ձևակերպում է Ռուսաստանի պետության ղեկավարը, և, հուրախություն մեզ, Ռուսաստանի պետության, որի կազմի մեջ է մտնում նաեւ Չեչնիայի Հանրապետությունը, ղեկավարը Վլադիմիր Վլադիմիրովիչ Պուտինն է»,- ասել է Պեսկովը։
