Ճապոնիայի իշխանությունները Ուկրաինայում գտնվող իրենց քաղաքացիներին կոչ են անում օգտվել կոմերցիոն թռիչքներից՝ որքան հնարավոր է շուտ լքելով Ուկրաինայի տարածքը, սակայն մտադիր են շարունակել բոլոր հնարավոր ջանքերը՝ ապահովելու ճապոնացիների, այդ թվում՝ Կիևում դեսպանատան աշխատակիցների անվտանգությունը։
Երեքշաբթի այսպիսի դիրքորոշում են հայտնել ԱԳ նախարար Յոշիմասա Հայաշին և Ճապոնիայի կառավարության գլխավոր քարտուղար Հիրոկաձու Մացունոն։
«Իրավիճակն այս տարածաշրջանում շատ փխրուն է: Շատ երկրներ շարունակում են իրենց դիվանագիտական ջանքերը, բայց կա հավանականություն, որ իրավիճակը կարող է կտրուկ և արագ փոխվել: Ինչ վերաբերում է Ճապոնիայի դեսպանատան անձնակազմին, մենք ձեռնարկում ենք բոլոր հնարավոր միջոցները, որպեսզի ապահովենք նրանց անվտանգությունը: Մենք նաև խստորեն կոչ ենք անում Ճապոնիայի քաղաքացիներին օգտվել կոմերցիոն թռիչքներից՝ հնարավորինս արագ լքելու Ուկրաինայի տարածքը», – ասել է Ճապոնիայի ԱԳՆ ղեկավարը:
