ՀՀ ՊՆ ռազմական ոստիկանությունում այսօր անցկացվել է խորհրդակցություն, որի ընթացքում ամփոփվել են 2021 թվականին կատարված աշխատանքների արդյունքները, հայտնում են ՊՆ մամուլի ծառայությունից։Քննարկվել են զորամասերի հետ կապված խնդիրներ։
ՀՀ ՊՆ ռազմական ոստիկանության պետ, գեներալ-մայոր Աշոտ Զաքարյանը հանձնարարականներ է տվել առկա խնդիրների լուծման, հանցագործությունների նախականխման, կանխման, խափանման և բացահայտման նպատակով զորամասերում անցկացվող պրոֆիլակտիկ միջոցառումների ուղղությամբ։
Հանձնարարականներ են եղել նաև զորամասերի հրամանատարության հետ փոխգործակցության առավել ակտիվացման ուղղությամբ:
