Ալեքսեյ Նավալնի եղբոր՝ Օլեգի նկատմամբ հետախուզում հայտարարելու որոշումը կապված է Դաշնային քրեակատարողական ծառայության հայտարարության հետ, որ նա չի ներկայացել գործադիր տեսչություն՝ սանիտարական նորմերի խախտման գործով դատավճռից հետո։ Այս մասին TASS-ին հայտնել է Օլոգ Նավալնիի փաստաբան Նիկաս Պարասկևովը։
-Հետախուզումը կապված է քրեակատարողական տեսչության կողմից պայմանական պատիժը հիմնականով փոխելուն, քանի որ, իբրև թե, Օլեգը չի ներկայանում տեսչություն,- ասաց պաշտպանը։
Ավելի վաղ Դաշնային քրեակատարողական ծառայության ներկայացուցիչները միջնորդություն էին ուղարկել դատարան՝ Օլեգ Նավալնիի պայմանական պատիժը հիմնականով փոխելուն՝ սանիտարական նորմերի խախտման գործով դատավճռին չենթարկվելու պատճառով։
Մոսկվայի Պրեոբրեժսկի դատարանը Օլեգ Նավալնիին պայմանական մեկ տարվա ազատազրկման է դատապարտել։ Ըստ մեղադրանքի նա սոցցանցերի միջոցով մարդկանց հորդորել է մասնակցել 2021 թվականի հունվարին չհաստատված ակցիային, որով խախտում էր կորոնավիրուսային հիվանդության դեմ սահմանափակումները։
