Ամերիկայի Միացյալ Նահանգները պետք է դադարեցնի խանգարել Պեկինի ձմեռային օլիմպիական խաղերի անցկացմանը։ Այս մասին Չինաստանի ԱԳ նախարար Վան Ին հայտարարել է ԱՄՆ պետքարտուղար Էնթոնի Բլինկենի հետ հեռախոսազրույցի ընթացքում, հաղորդում է ՉԺՀ-ի արտաքին քաղաքական գերատեսչության մամուլի ծառայությունը:
«ԱՄՆ–ն պետք է դադարեցնի խանգարել Պեկինի ձմեռային օլիմպիական խաղերի անցկացմանը, դադարեցնի թայվանական հարցում կրակի հետ խաղալը և դադարեցնի հակաչինական տարատեսակ խմբակներ ստեղծելը»,- հայտարարել է Չինաստանի ԱԳ նախարարը։Հիշեցնենք` ԱՄՆ իշխանությունները հայտարարել են, որ պաշտոնական պատվիրակություն չեն ուղարկելու Պեկին` ձմեռային օլիմպիական խաղերին:
Պատճառն, իբր, Չինաստանում մարդու իրավունքների խախտումներն են եղել։Այդ մեղադրանքները Պեկինում բազմիցս մերժվել են։ Դիվանագիտական բոյկոտը չի վերաբերում ամերիկացի մարզիկների մասնակցությանը։ ԱՄՆ որոշումը պաշտպանել են Մեծ Բրիտանիան, Ավստրալիան և Կանադան։Պեկինի ձմեռային օլիմպիական խաղերը կանցկացվեն փետրվարի 4-20-ը:
Մեզ կարող եք հետևել նաև Instagram-ում։
