Արցախից տեղահանված ու իրենց տները կորցրած այն քաղաքացիները, որոնք ժամանակավորապես բնակվում են Հայաստանում, ևս 2 ամիս (2022թ. հունվար և փետրվար ամիսների համար) դրամական օգնություն կստանան ՀՀ կառավարությունից։ՀՀ աշխատանքի և սոցիալական հարցերի նախարարության առաջարկով կառավարությունն այսօր վերանայեց նախկինում ընդունված որոշման ժամկետը, որն ավարտվում էր 2022թ–ի հունվարի 1-ին։
«Միջոցառման շահառուներից շատերը դեռևս չեն լուծել իրենց բնակարանային խնդիրները, լուծված չեն նաև որոշների աշխատանքի հետ կապված խնդիրները, գտնվում են սոցիաապես ոչ բարենպաստ վիճակում։ Նաև, պայմանավորված գիշերակացի հնարավոր դժվարություններով, առաջարկում ենք աջակցության ժամկետը ևս երկու ամսով երկարացնել»,– նախագծի քննարկման ժամանակ ասաց աշխատանքի և սոցիալական հարցերի նախարար Նարեկ Մկրտչյանը։
Հիշեցնենք` Արցախից տեղահանված ընտանիքներին ՀՀ կառավարության որոշմամբ աջակցությւն է տրամադրվում 2020 թվականի նոյեմբերից` 4 ամիս ժամկետով։ Հետևաբար, կառավարություունը 4 ամիսը մեկ անգամ երկարաձգում է որոշման ժամկետը` վերանայելով շահառուների ցուցակները։Կառավարության այսօր ընդունած որոշմամբ` Արցախից տեղահանված երեխաներին և 1-ին կամ 2-րդ խմբի հաշմանդամություն ունեցող անձանց կտրամադրվի ամսական 40 000 դրամ, այլ անձանց` 20 000 դրամ։Կառավարության հաշվարկով` որոշման ընդունման արդյունքում հունվար–փետրվար ամիսների համար 2022թ. պետական բյուջեի ծախսերը կավելանան 2 241 720 մլրդ դրամով։
Մեզ կարող եք հետևել նաև Instagram-ում։
