«Գրիգոր Մինասյանն իսկապես իմ ընկերն է, մենք նաև եղել ենք գործընկերներ ու քանի որ Արդարադատության նախարարի տեղակալը, ինչպես նաև մնացած բոլոր տեղակալների պաշտոնը քաղաքական պաշտոն է, դա վկայում է այն մասին և դա է հենց հիմքը, որ դու ընտրում ես ոչ միայն լավ մասնագետի, այլև վստահելի մասնագետի, որը քո հետ կիսում է քո գաղափարները»,- այդ մասին այսօր կառավարության նիստից հետո՝ ճեպազրույցի ժամանակ, ասաց ՀՀ Արդարադատության նախարար Կարեն Անդրեասյանը։
Նա նաև նշեց, որ այդ իմաստով պարոն Մինասյանը համապատասխանում է չափանիշներին։
Ինչ վերաբերում է Գրիգոր Մինասյանի անցյալ քաղաքական հայացքներին, նախարարն ասաց․
«Ես կարող եմ միայն վկայել, որ իմ և իր նաև մեր բոլորի քաղաքական հայացքներն ու գաղափարները համընկնում են»։
Մեզ կարող եք հետևել նաև Instagram-ում։
