Ուկրաինայի նախագահ Վլադիմիր Զելենսկին հրամանագիր է ստորագրել Նիկոլայ Բալանին Ուկրաինայի Ազգային գվարդիայի հրամանատարի պաշտոնից ազատելու մասին։ Մեկ այլ հրամանագրով նախագահը հրամանատարի պաշտոնակատար է նշանակել Յուրի Լեբեդին։ Փաստաթղթերը հրապարակվել են երկրի ղեկավարի կայքում։Նիկոլայ Բալանը երեկ` հունվարի 27–ին, հայտարարել էր, որ հրաժարական է տվել Դնեպրում զինվորականների գնդակահարությունից հետո:
«Բալան Նիկոլայ Իվանովիչին հեռացնել Ուկրաինայի Ազգային գվարդիայի հրամանատարի պաշտոնից»,-ասվում է հրամանագրի տեքստում։
Ազգային գվարդիայի հրամանատարի պաշտոնակատար է նշանակվել գեներալ-լեյտենանտ Յուրի Լեբեդը։Հիշեցնենք` երեկ` հունվարի 27–ին, Ազգային գվարդիայի զինվոր Արտեմի Ռյաբչուկը ինքնաձիգից կրակել էր գվարդիայի պահակային զորախմբի վրա, արդյունքում հինգ մարդ է զոհվել, ևս հինգը վիրավոր են։
Զոհերից չորսը զինվորականներ են, մեկը՝ քաղաքացիական անձ։ Կրակելուց հետո Ռյաբչուկը փախել է՝ զենքն իր հետ տանելով։Կրակողին հաջողվել է ձերբակալել, այժմ նրան ցմահ բանտարկություն է սպասվում։ Ավելի վաղ «Страна.UA» ինտերնետ-պարբերականը հրապարակել էր Դնեպրում մարդկանց գնդակահարության տեսանյութը։
