ՌԴ ԱԳ նախարար Սերգեյ Լավրովը վիրավորանք է անվանել ԱՄՆ-ի հայտարարությունը ՌԴ դեսպան Անատոլի Անտոնովի հնարավոր արտաքսման մասին, եթե Մոսկվան չկատարի Վաշինգտոնի մի քանի պայմաններ՝ Ռուսաստանում ամերիկյան դեսպանի պահակախմբին վիզա տրամադրելու համար։
«Մենք զգուշացրել ենք, որ եթե այս վիրավորանքը շարունակվի, այլ կերպ չեմ կարող անվանել նրանց հայտարարությունները, որ «եթե դեսպանի համար անհապաղ այլ որոշում չընդունեք, մենք Անտոնովին ինքներս կխնդրենք հեռանալ ԱՄՆ-ից: Մենք դեռ ունենք ռեզերվներ՝ մեր դիվանագիտական ներկայությունը իսկապես նվազեցնելու համար»,- ուրբաթ օրը նա ասել է ռադիոկայանների թղթակիցների հետ զրույցում:
Միաժամանակ Լավրովը նշել է, որ երկու երկրների դիվանագիտական ներկայացուցչությունների աշխատանքում հարաբերությունների բարդացումը սկսվել է Միացյալ Նահանգների նախաձեռնությամբ մի քանի տարի առաջ՝ սկսած Միացյալ Նահանգների նախկին նախագահ Բարաք Օբամայի քայլից , որի նախաձեռնությամբ Ռուսաստանի Դաշնությունից խլվել է դիվանագիտական սեփականության հինգ օբյեկտ։
«Սա ճգնաժամի ևս մեկ պարույր է, որը սկսեց Օբաման, ով ցույց տվեց իր իրական էությունը, Սպիտակ տնից հեռանալուց երեք շաբաթ առաջ նա որոշեց ջղայնացնել Թրամփին և մեզանից խլեց դիվանագիտական սեփականության հինգ օբյեկտ, վտարեց տասնյակ դիվանահետների, ովքեր ընտանիքներով ստիպված էին իրենց տրված 3 օրում հասցնել երկիրը լքել, ամեն ինչ այստեղից էլ սկսվել է»,- հավելել է նախարարը։
ՌԴ ԱԳՆ ղեկավարը, սակայն, ասել է, որ այժմ կողմերը փորձում են կարգավորել իրավիճակը։ Նրա խոսքով, առաջիկա մի քանի շաբաթների ընթացքում Ռուսաստանի Դաշնությունն ու ԱՄՆ-ը ևս մեկ հանդիպում կանցկացնեն։
«Մենք ունենք ազդակներ, մենք կրկին խոսեցինք այս մասին Բլինկենի հետ Ժնևում, ավարտելով մեր զրույցը եվրոպական անվտանգության մասին, որ մենք պետք է ինչ-որ կերպ կարգավորենք այս իրավիճակը, մենք առաջարկում ենք զրոյացնել այն ամենը, ինչ եղել է՝ սկսած Նոբելյան մրցանակի դափնեկիր Օբամայի մանրախնդիր քայլից »,- եզրափակել է նախարարը։
Մեզ կարող եք հետևել նաև Instagram-ում։
