Մահացել է սիրված դերասան Լեոնիդ Կուրավլյովը

86 տարեկան հասակում  մահացել է ՌԴ և ԽՍՀՄ  ժողովրդական արտիստ Լեոնիդ Կուրավլյովը:

Տեղեկությունը  ՌԻԱ Նովոստիի հետ զրույցում  հաստատել է նրա որդին։

Ավելի վաղ հայտնի էր դարձել, որ դերասանը թոքաբորբ ախտորոշմամբ գտնվում է Կոմունարկայի թիվ 40 քաղաքային կլինիկական հիվանդանոցում, COVID-19-ի առկայությունը թեստավորմամբ չի հաստատվել։

Լեոնիդ Կուրավլյովը խորհրդային և ռուս կինոդերասան է, ՌՍՖՍՀ ժողովրդական արտիստ։ Հայտնի է իր դերերով այնպիսի ֆիլմերում, ինչպիսիք են «Աֆոնյա», «Իվան Վասիլևիչը փոխում է իր մասնագիտությունը», «Հանդիպման վայրը չի կարելի փոխել», «Ամենահմայիչն ու գրավիչը», «Ոսկե հորթը»։

Մեզ կարող եք հետևել նաև Instagram-ում։