ԱՄՆ-ի դեմոկրատները մեկ տարում երկրի արտաքին քաղաքականությունն այնպիսի վիճակի են հասցրել, որ Ռուսաստանը կարող է վերահսկողության տակ առնել Ուկրաինան, իսկ Չինաստանը սպառնում է Թայվանին։ Նման հայտարարությամբ է շաբաթ օրը հանդես եկել ԱՄՆ նախկին նախագահ Դոնալդ Թրամփը՝ դիմելով Կոնրո քաղաքում (Տեհաս նահանգ) իր կողմնակիցներին։
«Այն, ինչ ԱՄՆ նախագահ Ջո Բայդենը,Ներկայացուցիչների պալասի խոսնակ Նենսի Փելոսին և Սենատի դեմոկրատական մեծամասնության առաջնորդ Չակ Շումերը արեցին այս երկրին, ամենաբարձր կարգի հիմարություն է:
Գնաճը մեծ թիվ է կազմում, բենզինի գները բարձրանում են, մատակարարման շղթաները քայքայվում են։ Կարո՞ղ եք հավատալ, թե ինչ է կատարվում: Գնելու բան չկա, դարակները դատարկ են։ Գիրք եմ գրել, բայց այն այլևս չի կարող տպագրվել՝ թուղթ ու թանաք չկա։ Ի դեպ, գնեք, ձեզ դուր կգա»,-ասել է նա ու շարունակել.
«Սպանությունների թիվը գնալով աճում է, անօրինական միգրանտները միլիոններով երկիր են մտնում: Չինաստանը սպառնում է Թայվանին, Իրանը մոտ է միջուկային ռումբ ստեղծելուն, Ռուսաստանը կարող է վերահսկել Ուկրաինան: Կարո՞ղ եք հավատալ դրան»:
Մեզ կարող եք հետևել նաև Instagram-ում։
