Ուկրաինայի հատուկ ծառայությունները, արևմտյան հետախուզական գործակալություների աջակցությամբ, տեղեկատվական արշավ են նախապատրաստում Դոնբասի և Ռուսաստանի դեմ՝ նպատակ ունենալով մեղադրել Ուկրաինայի դեմ ագրեսիայի մեջ։ Այդ մասին երկուշաբթի հայտարարել է Լուգանսկի Ժողովրդական Հանրապետության ազգային ոստիկանության վարչության ղեկավար Յան Լեշչենկոն։ Այս մասին հայտնում է TASS-ը։
«Մեր հետախուզությանը հաջողվել է ստանալ հավաստի տեղեկություն ուկրաինական հատուկ ծառայությունների կողմից , արևմտյան հետախուզական ծառայությունների աջակցությամբ Crushing Sword ծածկագրով հատուկ տեղեկատվական արշավի նախաձեռնման մասին։ Արշավի նպատակն է մոլորեցնել համաշխարհային հանրությանը և մեղադրել Դոնբասի Ժողովրդական Հանրապետությանը և Ռուսաստանի Դաշնությանը Ուկրաինայի դեմ ագրեսիայի մեջ»,- Լեշչենկոյի խոսքերը մեջբերել է ԼԺՀ ոստիկանության տելեգրամ ալիքը։
Լուգանսկը նաև տեղեկություն ունի, որ Կիևը արշավի շրջանակներում նախապատրաստում է նաև համապատասխան բեմադրված հեռուստահոլովակներ։
Ուկրաինայի իշխանությունները մտադիր են կազմակերպել և նկարահանել բեմադրված տեսանյութեր Դոնբասի բնակիչների մասին, ովքեր իբրև թե խնդրում են «ազատել իրենց ռուսական ճնշումներից»։
«Կիևը պլանավորում է բեմադրված տեսահոլովակներ թողարկել հեռուսատտեսությամբ, որտեղ նախապատրաստված քաղաքացիական անձիք կխոսեն «պատերազմի սարսափների մասին» և կխնդրեն «ազատել իրենց ռուսական ճնշումներից»,- ասել է ազգային ոստիկանության ղեկավարը։
Մեզ կարող եք հետևել նաև Instagram-ում։
