ՀՀ վարչապետ Նիկոլ Փաշինյանը Էկոնոմիկայի նախարարի տեղակալ Արման Խոջոյանին և արդյունաբերության զարգացման վարչության պետ Արմեն Եգանյանին գործուղում է Ռուսաստանի Դաշնություն` Մոսկվա։Տեղեկությունը հրապարակվել է ՀՀ կառավարության e-gov հարթակում։
«Հայաստանի Հանրապետության էկոնոմիկայի նախարարի տեղակալ Արման Խոջոյանին և Հայաստանի Հանրապետության էկոնոմիկայի նախարարության արդյունաբերության զարգացման վարչության պետ Արմեն Եգանյանին 2022 թվականի փետրվարի 7-9-ը գործուղել Ռուսաստանի Դաշնություն` Մոսկվայում կայանալիք «ՊրոդԷքսպո 2022» սննդարդյունաբերության միջազգային ցուցահանդեսին ոլորտի հայ արտադրողների կողմից ներկայացված «միասնական հայկական տաղավարին» ծանոթանալու նպատակով»,– նշվում է որոշման մեջ։
Գործուղումից վերադառնալուց հետո նրանք եռօրյա ժամկետում պետք է հաշվետվություն ներկայացնեն վարչապետի աշխատակազմ և արտաքին գործերի նախարարություն։
Մեզ կարող եք հետևել նաև Instagram-ում։
