«Այսօրվա հայտնի հարցազրույցի կապակցությամբ ընդամենը կարելի է վերհիշել ԱՄՆ գործող նախագահ Ջո Բայդենի՝ սենատոր եղած ժամանակ արտահայտած հայտնի մտքերից մեկը․
«Որքան բարձր են լեռները, այնքան խորն են կիրճերը»։
Համաձայնվե՛ք, որ Սերժ Սարգսյանն ու Նիկոլ Փաշինյանը շատ լավ են հասկանում միմյանց։Մարդն եկել էր ասելու, որ Նիկոլ Փաշինյանի կողմից Արցախի հակամարտության գործընթացի վերաբերյալ ընթացող բանակցությունների վերաբերյալ վերջերս հրապարակված դետալները, մեծ հաշվով, ճիշտ են, որ Արցախը միայն հայկական չէր կարող լիներ, անգամ Հայաստանը չի կարող միայն հայկական լինել, որ ադրբեջանցիները կարող էին վերադառնալ Արցախ, որ Նիկոլը թաքնված «ոչմիթիզական» է, որ լավ բան էին ուզում անել, բայց ստացվեց, ինչպես միշտ։ Այո՛, եկել էր նաև ասեր, որ Արցախը երբեք չի կարող լինել Արդբեջանի կազմում։ Նիկոլն էլ էր ասում՝ Ղարաբաղը Հայաստան է ու վերջ․․․
Հ․Գ․ Սերժ Սարգսյանի ամենակարևոր ուղերձն, ըստ իս, թաքնված է հարցազրույցի վերջին հատվածում, երբ վերջինս ընդգծում է, որ բոլոր նրանք, որոնք Արցախը համարում են հայկական, որոնք համարում են, որ հնարավոր է ուղղել մեր մեջքը, ուրեմն պետք է համախմբվել ու Նիկոլ Փաշինյանից պահանջել դադարեցնել քաղաքական մուրացկանությունը։ Այլ կերպ ասած, Սերժ Սարգսյանը հասկացրեց, որ սկսում է համախմբման գործընթաց, որպեսզի ճնշեն Նիկոլ Փաշինյանին, որ վերջինս Ալիևից խաղաղություն չմուրա, այլ գնա ու խոսի այնպես, ինչպես իրենք են խոսել․․․Շա՛տ հետաքրքիր է, շա՛տ․․․»,- գրել է «Արդար Հայաստան» կուսակցության նախագահ Նորիկ Նորիկյանը։
Մեզ կարող եք հետևել նաև Instagram-ում։
