«Քաղաքացիական պայմանագիրը» ՀՀ նախագահի 5-6 թեկնածու է ունեցել, որոնց թվում են եղել նաև ԱԺ նախագահ Ալեն Սիմոնյանն ու ՀՀ բարձր տեխնոլոգիական արդյունաբերության նախարար Վահագն Խաչատուրյանը։ Այսօր լրագրողների հետ ճեպազրույցում հայտնեց Ալեն Սիմոնյանը, որն այսօր ստանձնել է ստանձնել է ՀՀ նախագահի լիազորությունները։
«Շատ երկար քննարկումներ ենք ունեցել թեկնածուների առնչությամբ և արդյունքում որոշեցինք Խաչատուրյանի թեկնածությունն առաջադրել։ Ես անձամբ գտնում եմ, որ շատ ճիշտ թեկնածու ենք ընտրել, որն իր անցած ճանապարհով, իր պարկեշտությամբ համապատասխանում է այդ պաշտոնին և շատ լավ կիրականացնի իր պարտականությունները»,–ասաց Սիմոնյանը։
Նա նշեց, որ Խաչատուրյանի թեկնածությունը մի քանի հոգու կողմից է առաջադրվել, բայց կոնկրետ ովքեր են եղել առաջադրողները, չի հիշում։ Ալեն Սիմոնյանի թեկնածությունն էլ է առաջադրվել, բայց նա ինքնաբացարկ է հայտնել։
Սիմոնյանը վստահեցրեց, որ ճիշտ չեն այն լուրերը, թե Խաչատուրյանի թեկնածությունը ՔՊ–ական պատգամավոր Խաչատուր Սուքիասյանն է առաջարկել։«Ինքն ընդհանրապես որևէ կապ չի ունեցել։ Պարոն Սուքիասյանը վարչության քննարկումներին չի մասնակցել և չի էլ կարող մասնակցել, որովհետև նա վարչության անդամ չէ»,– ասաց նա։
Մեզ կարող եք հետևել նաև Instagram-ում։
