Իրանական կողմը Չինաստանի և Ռուսաստանի հետ բանակցություններ է սկսել իր տարածքում նոր օդանավակայաններ կառուցելու համար: Ինչպես հայտնում է ՌԻԱ Նովոստին, այդ մասին այսօր հայտարարել է Իրանի օդանավակայանները կառավարող ընկերության գործադիր տնօրեն Սիավաշ Ամիրմոկրիբը։
«Մենք բանակցություններ ենք սկսել Չինաստանի և Ռուսաստանի հետ Իրանում նոր օդանավակայաններ կառուցելու համար, և նախնական ուսումնասիրություններից ու բանակցություններից հետո կսկսենք քննարկել տեխնիկական կոնկրետ հարցերը և մանրամասները», – ասել է Ամիրմոկրիբը:
Նրա խոսքով՝ Չինաստանի և Ռուսաստանի հետ բանակցություններն ընթանում են առաջիկա 25 տարվա ընթացքում նոր օդանավակայաններ կառուցելու նպատակով:
Ընկերության տնօրենը նշել է, որ ապագայում Իրանին հարկավոր կլինեն համաշխարհային չափանիշներին համապատասխանող միջազգային նոր օդանավակայաններ։
Մեզ կարող եք հետևել նաև Instagram-ում։
