Սույն թվականի փետրվարի 2-ին ՀՀ կառավարության աշխատակազմի և ՀՀ ԱԺ պաշտպանության և անվտանգության հարցերի մշտական հանձնաժողովի համատեղ պայմանավորվածության արդյունքում տեղի է ունեցել հերթական աշխատանքային քննարկումը «Փրկարար ծառայության մասին» ՀՀ օրենքի նախագծի վերաբերյալ: Օրենքի նախագիծը ՀՀ Ազգային ժողովի պաշտպանության և անվտանգության հարցերի մշտական հանձնաժողովի կողմից շրջանառության մեջ է դրվել սույն թվականի հունվարի 12-ից:
Շրջանառության ընթացքում մի շարք գերատեսչական մարմինների կողմից ներկայացվել են կարծիքներ և առաջարկություններ: Մասնավորապես, ՀՀ վարչապետի աշխատակազմի քաղաքացիական ծառայության գրասենյակի կողմից ներկայացվել էր կարծիք, որը ընդգրկում էր բավականին մեծ ծավալով առաջարկություններ և դիտողություններ, որոնց պարագայում նպատակահարմար էր աշխատանքային հանդիպման ձևաչափով քննարկումը:
Քննարկմանը մասնակցում էին ՀՀ Արտակարգ իրավիճակների, Պաշտպանության, Արդարադատության նախարարությունների, ՀՀ Կառավարության, ՀՀ վարչապետի աշխատակազմի քաղաքացիական ծառայության գրասենյակի ներկայացուցիչները, ՀՀ ԱԺ պաշտպանության և անվտանգության, ինչպես նաև պետական-իրավական հարցերի մշտական հանձնաժողովների անդամները և փորձագիտական անձնակազմը:
Մեզ կարող եք հետևել նաև Instagram-ում։
