Այսօր լրագրողների հետ ճեպազրույցի ընթացքում պաշտպանության փոխնախարար Արման Սարգսյանն անդրադարձել է Կապանի զորամասերից մեկում՝ զինվորին բռնության ենթարկելու դեպքին: Նա նշել է, որ հստակ տեղեկություն կա միայն այն մասին, որ զինվորը զորամասն ինքնակամ լքել է:
«Սկսվել է քննություն: Գնահատական կտրվի նաև այն հանգամանքին, թե ինչն էր պատճառ հանդիսացել զորամասն ինքնակամ թողնելուն: Տարիներ շարունակ մենք նման բան չէինք լսել, որ այսպիսի խնդիրներ կան, եթե կա, այն լրիվ, օբյեկտիվ քննության շրջանակներում ուսումնասիրության առարկա կդառնա»,-ասաց նա:
Ավելի վաղ «Պատիվ ունեմ» խմբակցության պատգամավոր Թագուհի Թովմասյանը հայտնել էր, որ իրեն տեղեկացրել են՝ Կապանի զորամասերից մեկում հրամանատարական կազմը նսեմացրել և բռնության է ենթարկել նորակոչիկին, ինչից հետո էլ վերջինս ինքնակամ լքել է զորամասը:
Մեզ կարող եք հետևել նաև Instagram-ում։
