Ռուսաստանի նախագահ Վլադիմիր Պուտինը Պեկին՝ օլիմպիական խաղերի կմեկնի Արգենտինայի նախագահ Ալբերտո Ֆերնանդեսի հետ միասին։ Այս մասին հայտնում է ՌԻԱ Նովոստին։
«Այս անգամ դուք կարճ ժամանակով եք գտնվելու Ռուսաստանում։ Ամեն ինչ, իհարկե, կապված է այս իրավիճակի հետ (համավարակի,–խմբ․)։ Հուսով եմ, որ մեզ կհաջողվի շարունակել անձնական շփումները Արգենտինայում և այստեղ՝ Ռուսաստանում։ Մենք միասին ենք մեկնում Պեկին՝ օլիմպիական խաղերի բացմանը»,-ասել է ՌԴ նախագահը արգենտինացի գործընկերոջ հետ բանակցությունները սկսելուց առաջ։
Միաժամանակ նա ավելացրել է, որ Մոսկվայում, հանգիստ միջավայրում, ավելի հարմար է խոսել և քննարկել երկկողմ հարաբերությունները։Օլիմպիական խաղերի բացման արարողությունը կսկսվի վաղը`փետրվարի 4–ին։ Դրանից առաջ Ռուսաստանի առաջնորդը բանակցություններ կանցկացնի ՉԺՀ ղեկավար Սի Ցզիպինի հետ։
Մեզ կարող եք հետևել նաև Instagram-ում։
