ՀՀ մարդու իրավունքների պաշտպանի գրասենյակը հրապարակել է 17 էջանոց ուղեցույց սպառողների իրավունքների և պարտականությունների վերաբերյալ ոչ պարենային ապրանքների գնման դեպքում։ Այս մասին տեղեկացնում է ՄԻՊ Արման Թաթոյանը։
Նշվում է, որ ուղեցույցը կազմվել է՝ հիմք ընդունելով Պաշտպանին հասցեագրված դիմումների և բողոքների ուսումնասիրության արդյունքները։ Բողոքների ուսումնասիրությունը վկայում է, որ շատ դեպքերում սպառողները, երբեմն նաև տնտեսվարողները, տեղեկացված չեն իրենց իրավունքների և պարտականությունների մասին, ինչի հետևանքով հաճախ խնդիրներ են ունենում գնված ապրանքների փոխարինման կամ վերադարձման հարցերում։
Ուղեցույցում սահմանվում է, թե երբ և ինչ պայմաններում սպառողը կարող է վերադարձնել կամ փոխարինել գնված ապրանքը, երբ նա կարող է պահանջել ապրանքի թերությունների շտկում վաճառողից և այլն։
ՄԻՊ-ից տեղկեացնում են, որ պաշտպանի աշխատակազմում գործող Գործարարության ոլոտում իրավունքների պաշտպանության բաժինը բողոքի առկայության դեպքում կամ սեփական նախաձեռնությամբ քննարկում է պետական և տեղական ինքնակառավարման մարմինների ու պաշտոնատար անձանց, ինչպես նաև պետական և տեղական ինքնակառավարման մարմինների պատվիրակած լիազորություններն իրականացնող կազմակերպությունների, ինչպես նաև հանրային ծառայության ոլորտում գործող կազմակերպությունների կողմից Սահմանադրությամբ և օրենքներով ամրագրված՝ մարդու իրավունքների և ազատությունների խախտումները։
Մեզ կարող եք հետևել նաև Instagram-ում։
