Ադրբեջանը պատրաստ է Հայաստանի հետ բանակցություններ սկսել սահմանների սահմանազատման հարցով ՝ առանց որևէ նախապայմանի և միջազգային փորձի հիման վրա։ Այս մասին այսօր հայտարարել է Ադրբեջանի արտաքին գործերի նախարար Ջեյհուն Բայրամովը հունգարացի գործընկեր Պետեր Սիյարտոյի հետ բանակցություններից հետո կայացած ճեպազրույցի ժամանակ։Բայրամովը խոստովանել է, որ Երևանն իր առաջարկներն է ներկայացրել այդ հարցի վերաբերյալ, սակայն դրանցում, նրա խոսքով, որոշակի նախապայմաններ կան։ Թե ինչպիսի նախախապայմանների մասին է խոսքը, Բայրամովն այդպես էլ չի հստակեցրել։
«Կարճ ժամանակահատվածում ադրբեջանական կողմը ևս մեկ անգամ հակառակ կողմին է հասցրել իր դիրքորոշումը։ Մենք բաց ենք այս գործընթացն սկսելու համար ՝ առանց որևէ նախապայմանների», – ասել է նա։
Ադրբեջանի ԱԳՆ-ում, չգիտես ինչու, չեն նկատում Երևանի հետևողականությունը սահմանազատման հարցի վերաբերյալ, սակայն պնդում են միջազգային սահմանների ճանաչման կարևորությունը։Բայրամովի խոսքով ՝ միջազգային հարաբերություններում սահմանների որոշման բավական կայացած փորձ կա։«Կարծում ենք, որ այս գործընթացն սկսելու համար նոր «գյուտերի» և «կրեատիվ մոտեցումների» կարիք չկա։ Միջազգային սահմանները պետք է ճանաչվեն, սահմանազատման հանձնաժողովը պետք է սկսի աշխատանքը», – նշել է նա։
Մեզ կարող եք հետևել նաև Instagram-ում։
