ՀՀ ԱԳՆ մամուլի խոսնակ Վահան Հունանյանը հերքել է Թուրքիայի փոխնախագահ Ֆուաթ Օքթայի հայտարարությունը, թե ՀՀ վարչապետ Նիկոլ Փաշինյանը մարտին կայցելի Թուրքիա և Անթալիայում կմասնակցի դիվանագիտական համաժողովին։
«Վարչապետ Նիկոլ Փաշինյանի այց Թուրքիա և մասնակցություն Անթալիայի դիվանագիտական համաժողովին չի քննարկվում»,– գրել է Հունանյանը։
Ավելի վաղ Թուրքիայի արտաքին գործերի նախարար Մևլութ Չավուշօղլուն ասել էր, որ մարտի 11-13-ն անցկացվելու է Անթալիայի դիվանագիտական 2-րդ համաժողովը, որին մասնակցելու հրավեր են ուղարկել բազմաթիվ երկրներ, հրավիրվածների ցանկում են նաև Հայաստանը, Հունաստանը, Կիպրոսն ու Իսրայելը։
ՀՀ արտաքին գործերի նախարար Արարատ Միրզոյանը փետրվարի 2-ին հայտարարել էր, որ հայկական կողմը դեռևս վերջնական որոշում չի կայացրել Անթալիայի դիվանագիտական համաժողովին մասնակցելու վերաբերյալ:
Մեզ կարող եք հետևել նաև Instagram-ում։
