Մակրոնը Մոսկվայում գրեթե կես ժամ դուրս չի եկել ինքնաթիռից

Ֆրանսիայի նախագահ Էմանուել Մակրոնը հասել է Մոսկվա, որտեղ հանդիպելու է Ռուսաստանի նախագահ Վլադիմիր Պուտինի հետ:

Ruptly–ի հրապարակած կադրերում երևում է, թե ինչպես է նա դուրս գալիս ինքնաթիռից։ Ըստ ՌԻԱ Նովոստիի` վայրէջքից հետո Մակրոնը գրեթե կես ժամ մնացել է օդանավում։

Ավելի վաղ Ֆրանսիայի նախագահը հայտարարել էր, որ լավատեսորեն է տրամադրված Պուտինի հետ հանդիպմանը, բայց չի հավատում անսպասելի հրաշքների։Մակրոնի խոսքով՝ ՌԴ այցելելու նպատակը մեկն է` թույլ չտալ, որ Ուկրաինայի շուրջ իրադրությունը սրվի։

Կրեմլից ասել են, որ ՌԴ-ի և Ֆրանսիայի նախագահները բանակցությունների ընթացքում առաջին հերթին կքննարկեն անվտանգության երաշխիքները:Պուտինի և Մակրոնի հանդիպումից հետո ասուլիս կկայանա։