ՆԱՏՕ-ն դիտարկում է դաշինքի արևելքում ուժերի ավելացման հնարավորությունը։ Բրյուսելում Լեհաստանի նախագահ Անջեյ Դուդայի հետ համատեղ ասուլիսի ժամանակ հայտարարել է գլխավոր քարտուղար Յենս Ստոլտենբերգը։ Տեղեկությունը հայտնում է ՌԻԱ Նովոստին։
«Մենք արդեն ուժեղացրել ենք մեր ներկայությունը, անհրաժեշտության դեպքում պատրաստ ենք արագ տեղակայել ՆԱՏՕ-ի արձագանքման ուժերը և դիտարկում ենք դաշինքի արևելյան ուղղությամբ մեր ներկայությունը երկարաժամկետ հիմունքներով ավելացնելու հնարավորությունը։
Խորհրդակցություններ ենք անցկացնում պաշտպանությունն ավելի ամրապնդելու համար», – ասել է նա։Գլխավոր քարտուղարը միաժամանակ նշել է, որ արևելյան ուղղությամբ դաշինքի երկարաժամկետ ուժեղացման վերաբերյալ վերջնական որոշում դեռ չկա։
Ստոլտենբերգը հավելել է, որ կրկնում է Ռուսաստան-ՆԱՏՕ խորհրդի ձևաչափով ՌԴ–ի հետ հանդիպելու հրավերը` ընդգծելով, որ Ռուսաստանի հետ երկխոսությունն այսօր կարևոր է առավել քան երբևէ։
Մեզ կարող եք հետևել նաև Instagram-ում։
