Հայաստանում նախորդ տարվա համեմատ սուր շնչառական վարակներով և գրիպով պայմանավորված հիվանդացությունների թիվն ավելացել է 2.5 անգամ։ Այսօր ասուլիսի ժամանակ այդ մասին հայտնեց ՀՀ ԱՆ հիվանդությունների վերահսկման և կանխարգելման ազգային կենտրոնի ներհիվանդանոցային վարակների համաճարակաբանության բաժնի պետ Ռոմելլա Աբովյանը։
Նրա խոսքով` հիվանդությունների աճը դիտվում է ինչպես պոլիկլինիկական հաստատություններ դիմելիությամբ, այնպես էլ շտապօգնության կանչերով։ Իրավիճակն ընդհանուր առմամբ համաճարակային շեմից բարձր է 2.2 անգամ։ Դեպքերը հիմնականում արձանագրվում են 0-14 տարեկան և 30-64 տարեկան անձանց շրջանում։
«Փետրվարի 8–ի դրությամբ ՀՀ–ում ստացիոնար բուժում է ստանում 456 պացիենտ, 84.8 տոկոսը 0-18 տարեկաններն են։ Թոքաբորբով հիվանդ 317 պացիենտ կա, որից 57–ը 0-18 տարեկան են»,–նշեց նա։
Այս սեզոնի ընթացքում իրականացվել է գրիպանման հիվանդությունների և ծանր սուր շնչառական վարակների 1089 նմուշի լաբորատոր հետազոտություն , որի արդյունքում 207 –ի դեպքում հայտնաբերվել է գրիպի A տեսակի H3N2 ենթատեսակը։
Միայն հունվարին իրականացվել է 223 նմուշի հետազոտություն , որից 72–ը եղել են H3N2 ենթատեսակի վիրուսի հարուցիչներ։Նշենք, որ գրիպի A տեսակը շատ ավելի շուտ է տարածվում և վիրուսի թիրախում հիմնականում երեխաներն են։
Ախտանշանները բնորոշ են սուր շնչառական վարակի ախտանշաններին` ընդհանուր թուլություն, ջերմության բարձրացում, քթից արտահոսք, հազ։
Մեզ կարող եք հետևել նաև Instagram-ում։
Իսրայելի պաշտպանության բանակը Լիբանանից մոտ 90 հրթիռի արձակում է արձանագրել երկրի հյուսիսային տարածքներ, չորեքշաբթի հայտնել…
Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել են էլեկտրաէներգիայի մատակարարման որակի…
Ուկրաինայի նախագահ Վոլոդիմիր Զելենսկին պատրաստ է որդեգրել ավելի ճկուն մոտեցում և քննարկել Ռուսաստանի հետ բանակցությունների…
Ֆլորիդայում մեկ օրվա ընթացքում կանխատեսվում է Երևան քաղաքում 10 ամսվա ընթացքում թափվող տեղումների քանակ: Այս…
Թուրքական ավիաուղիներ ընկերության օդաչուն Սիեթլ-Ստամբուլ չվերթի ժամանակ մահացել է, հայտնում են տեղի լրատվամիջոցները։ Նշվում է,…
Իսրայելի պաշտպանության նախարար Յոավ Գալանտը հետաձգել է չորեքշաբթի նախատեսված այցը Միացյալ Նահանգներ՝ վարչապետ Բենիամին Նեթանյահուի…