Հայաստանն ու Ռուսաստանը տեղեկատվական անվտանգության ապահովման վերաբերյալ համագործակցության մասին փորձագիտական մակարդակով համաձայնագրի նախագիծ են համաձայնեցրել։ Այս մասին հայտնում է ՌԻԱ Նովոստին` հղում անելով ՌԴ ԱԽ մամուլի ծառայությանը։
Նշվում է, որ տեղեկատվական անվտանգության ապահովման վերաբերյալ միջգերատեսչական խորհրդակցությունների ընթացքում կարծիքների առարկայական փոխանակում է տեղի ունեցել միջազգային և տարածաշրջանային հարթակներում, ինչպես նաև երկկողմանի ձևաչափում տեղեկատվական ոլորտում անվտանգության ապահովման ուղղությամբ հայ–ռուսական համագործակցությանն առնչվող հարցերի ողջ շրջանակի վերաբերյալ։
«Փորձագիտական մակարդակով տեղի ունեցած խորհրդակցությունների արդյունքում տեղեկատվական անվտանգության մասին երկկողմանի միջկառավարական նախագծի համաձայնագիր է ստորագրվել», – ասվում է հաղորդագրության մեջ։
Կողմերը հաստատել են ԱՊՀ, ՀԱՊԿ, ինչպես նաև ԵԱՀԿ շրջանակում այդ ուղղությամբ տարվող ջանքերն ընդլայնելու կարևորությունը։Նշենք, որ ՌԴ ԱԽ քարտուղարի տեղակալ Օլեգ Խրամովի գլխավորած ռուսական պատվիրակության կազմում ընդգրկվել էին ԱԽ աշխատակազմի, ԱԳՆ–ի, ՊՆ–ի, ՌԴ թվային զարգացման, կապի և զանգվածային հաղորդակցության նախարարության, ֆինանսների նախարարության, Պահպանության դաշնային ծառայության, գլխավոր դատախազության ներկայացուցիչներ։
ՀՀ ԱԽ գրասենյակի ղեկավար Հայկ Պետրոսյանի գլխավորած հայկական պատվիրակության կազում էին ԱԽ աշխատակազմի, ԱԳՆ–ի, ՊՆ–ի, Ազգային անվտանգության ծառայության, արդարադատության նախարարության, բարձր տեխնոլոգիական արդյունաբերության նախարարության, գլխավոր դատախազության և «Էլեկտրոնային կառավարման ենթակառուցվածքների ներդրման գրասենյակ» ՓԲԸ–ի ներկայացուցիչներ։
ՀՀ ԱԳՆ-ն ՆԱՏՕ-ի հետ համագործակցության 30-ամյակի կապակցությամբ X-ի պաշտոնական միկրոբլոգում գրառում է կատարել: «Միասին մենք…
ԵԽԽՎ աշնանային նստաշրջանի աշխատանքներին մասնակցել են ԱԺ պատգամավորները` կառույցում մեր երկրի պատվիրակության ղեկավար Ռուբեն Ռուբինյանիգլխավորությամբ:…
Սիրիան ցանկանում է միանալ BRICS-ին և արդեն անդամակցության հայտ է ուղարկել։ Այդ մասին հայտնել է…
Հոկտեմբերի 4-ին ՆԳ նախարարի տեղակալ Արփինե Սարգսյանն ընդունել է ԱՄՆ պետքարտուղարի կիբեռտարածության և թվային քաղաքականության…
Բաքվից արձագանքել են Հայաստանի ԱԳՆ հայտարարությանը՝ նշելով, թե իբր Երևանը փորձում է մոլորեցնել միջազգային հանրությանը:…
«Հըզբոլլահի» նոր ղեկավար Հաշեմ Սաֆիեդդինը մահացել է Իսրայելի հարվածի հետևանքով, տեղեկացնում է Al Arabiya-ն։ Նշվում…