ՀՀ ԱԽ քարտուղար Արմեն Գրիգորյանը հայ-ադրբեջանական սահմանին տիրող իրավիճակի թեմայով հեռախոսազրույց է ունեցել ՀԱՊԿ գլխավոր քարտուղար Ստանիսլավ Զասի հետ, շեշտել, որ շեշտել է, որ Հայաստանի Հանրապետության և Ադրբեջանի Հանրապետության միջև դեռևս Խորհրդային Միության տարիներից գոյություն ունի սահման: Տեղեկությունը հայտնում է ԱԽ մամուլի ծառայությունը։
«Արմեն Գրիգորյանը նաև ընդգծել է, որ ըստ 1991 թվականի «Անկախ պետությունների համագործակցություն ստեղծելու մասին» համաձայնագրի՝ կողմերը ճանաչել են այդ սահմանը, վավերացրել Համաձայնագիրը իրենց խորհրդարաններում և դարձրել այն երկու երկրների օրենսդրության անբաժանելի մաս»,–ասվում է հաղորդագրության մեջ:
Հեռախոսազրույցի ընթացքում կողմերը քննարկել են նաև ՀԱՊԿ-ում Հայաստանի Հանրապետության նախագահությանն առնչվող հարցեր:
