«Ֆասթ Շիֆթ» ընկերությունը ՀՀ Կենտրոնական բանկի կողմից ստացել է Դրամական (փողային) փոխանցումների իրականացման և վճարահաշվարկային փաստաթղթերի պրոցեսինգի ու քլիրինգի իրականացման համար լիցենզիա։
Ընկերությունը նաև ստացել է էլեկտրոնային փողերի թողարկման և իրականացման թույլտվություն։
«Ֆասթ Շիֆթ» ՍՊԸ-ն հիմնադրվել է 2018 թվականին Վահե և Վիգեն Բադալյանների կողմից, հանդիսանում է «Ֆասթ Կրեդիտ Կապիտալ» ունիվերսալ վարկային կազմակերպության հետ փոխկապակցված ընկերություն:
Ընկերության առաքելությունն է ժամանակակից տեխնոլոգիաների ակտիվ կիրառմամբ առավելագույնս հարմարավետ և մատչելի դարձնել վճարումների իրականացման գործընթացը։
«Ֆասթ Շիֆթը» ներկայանում է շուկայում իր սեփական տերմինալային ցանցով, որոնց թիվն այս պահին հասնում է 200-ի։ Ընկերության տերմինալները տեղաբաշխված են ինչպես Երևանում, այնպես էլ ՀՀ մարզերում։
Տերմինալները տարբերվում են շուկայում առկա տարբերակներից իրենց մասշտաբայնությամբ, յուրօրինակ և հետաքրքիր դիզայնով, ինչպես նաև տարբերվող ինտերֆեյսով։ Նոր տերմինալները մշակելիս ընկերության համար առաջնային է եղել, այն, որ տերմինալները հարմար լինեն ինչպես փորձառու, այնպես էլ նոր սպառողների համար։
Մինչ տարեվերջ ընկերությունը նախատեսում է տերմինալների ցանցն ավելացնել ևս 1000-ով։
Ցանցի ընդլայնումը նպատակաուղղված է ընկերության կողմից մատուցվող վճարային ծառայությունների հասանելիության ավելացմանը:
Ընկերությունն ապագայում ձգտելու է ավելի մոտ լինել իր հաճախորդներին, թե՛ մայրաքաղաքում, թե՛ մարզերում՝ ընդլայնելով առաջարկվող ծառայությունների ու պրոդուկտների ցանկը։
