Սիսիանից Քաջարան այսօր գործող ճանապարհով հնարավոր է երթևեկել միջինը 50 կմ/ժամ արագությամբ։ Նոր ճանապարհի կառուցումից հետո այդ արագությունը կրկնակի կավելանա։ Այսօր ՀՀ կառավարության նիստում հայտնեց Տարածքային կառավարման և ենթակառուցվածքների նախարար Գնել Սանոսյանը` խոսելով «Հյուսիս–հարավ» ավտոճանապարհի Սիսիան –Քաջարան հատվածի նախաորակավորման փուլի այսօր հայտարարված մեկնարկի մասին։
«Նոր ճանապարհը շուրջ 2 ժամով կկրճատի այդ հատվածների միջև հեռավորությունը, նաև` կլինի բարեկարգ, ժամանակակից ստանդարտներին բավարարող, անվտանգ ճանապարհ»,– ասաց նա։
Նախաորակավորման փուլն ու կառուցապատող ընկերությունների ընտրությունը կտևի 70 օր։ Իսկ բուն շինարարությունը կավարտվի 6 տարուց։Սիսիան–Քաջարան ավտոճանապարհը 560 կմ–անոց «Հյուսիս–հարավի» 60 կմ–անոց հատվածն է, որից 4.7 կմ–ը 27 կամուրջներն են, 12 կմ–ը` 5 թունելները, որոնցից ամենաերկարը 8 կմ է լինելու։Սանոսյանը հույս հայտնեց, որ մրցույթին հայտեր կներկայացնեն միջազգային խոշոր շինարարական ընկերություններ, որոնցից մինչև 2022թ–ի ավարտը կընտրվեն հիմանական կապալառուները։
