Ռուսաստանի նախագահ Վլադիմիր Պուտինը կմասնակցի և կղեկավարի ռազմավարական միջուկային ուժերի պլանային վարժանքները։ Տեղեկությունը հայտնել են Ռուսաստանի պաշտպանության նախարարությունից։Գերատեսչությունում նշել են, որ փետրվարի 19-ին մեկնարկող զորավարժությունների ընթացքում բալիստիկ և թևավոր հրթիռներ կարձակվեն։
Զորավարժություններին կմասնակցեն օդատիեզերական ուժերը, Հարավային ռազմական օկրուգը, ռազմավարական նշանակության հրթիռային զորքերը, Հյուսիսային և Սևծովյան նավատորմը:
Զորավարժությունների շրջանակում նախատեսվում է ստուգել ռազմական կառավարման մակարդակը, մարտական հաշվարկների, անձնակազմերի պատրաստականությունը, ռազմավարական միջուկային և ոչ միջուկային ուժերի սպառազինության հուսալիությունը։
