Փետրվարի 19-ին և 20-ին Իտալիայի Նարդո քաղաքի հավատացյալները նշելու են քաղաքի հովանավոր սուրբ, Ամենայն հայոց առաջին կաթողիկոս Սուրբ Գրիգոր Լուսավորչի ամենամյա մեծարման օրը։ Այս մասին հայտնում է իտալական corrieresalentino.it կայքը։
Ավանդական դարձած տոնի ընթացքում արքեպիսկոպոս և առաքելական նվիրակ Լուիջի Պեցզուտոյի նախագահությամբ տեղի կունենա պապական հանդիսավոր արարողություն։
Նշենք, որ Նարդոն Իտալիայի միակ քաղաքն է, որի գլխավոր և միակ հովանավոր սուրբը Գրիգոր Լուսավորիչն է։
Քաղաքի գլխավոր տաճարի վրա բարձրանում է հայ սրբի հուշարձանը։
