Լուգանսկի և Դոնեցկի բնակիչները հայտնում են, որ ռազմական հրամանատարությունը սկսել է փողոցներից հավաքել զինվորագրման տարիքի տղամարդկանց․ նրանց հետ զրուցում են, անձնագիր են խնդրում, որից հետո նստեցնում են ավտոբուսներ և տանում հավաքի կետեր՝ հետագայում բանակ ուղարկելու համար։ Զինվորագրման տարիքի ռեյդեր անցկացվում են նաև բնակարաններում, որի մասին հայտնում է Донбасс.Реалии-ին։ Վերջինիս հաջողվել է զրուցել Դոնբասի առանձին կազմավորումների բնակիչների հետ՝ անոնիմ լինելու պայմանով։
Լուգանսկի և Դոնեցկի համընդհանուր մոբիլիզացիան հայտարարվել է փետրվարի 19-ին։ ԴԺՀ ղեկավար Դենիս Պուշիլինը կոչ է արել, բոլոր այն տղամարդկանց, որոնք ապրում են առանձնացված կազմավորումներում և կարող են զենք պահել իրենց ձեռքում ՝ պաշտպանել իրենց ընտանիքները, Դոնբասը և ողջ ռուս ժողովրդին։
«Ես կոչ եմ անում պահեստազորում գտնվող հայրենակիցներին գալ զինկոմիսարիատներ։ Այսօր ես հրամանագիր եմ ստորագրել համընդհանուր մոբիլիզացիայի մասին»,-շաբաթ օրը իր տեսաուղերձում ասել է Պուշիլինը։
Շաբաթ ԴԺՀ-ի պատգամավորները հրավիրել են արտահերթ նիստ, որտեղ ընդունել են մոբիլիզացիայի բանաձև։ Նման կոչով է հանդես եկել նաև ԼԺՀ ղեկավար Պասեչնիկը։
Բնակիչները հայտնեւմ են, որ ԼԺՀ-ից արգելվում է մեկնել 18-55 տարեկան բոլոր տղամարդկանց։ Զինվորականներին թույլատրվում է նաև քաղաքացիներից և ձեռնարկություններից առգրավվել պաշտոնական կարիքների համար անհրաժեշտ տրանսպորտային միջոցներ և գույք։ Տեղի բնակչության շրջանում այս պահանջների նկատմամբ վրդովմունքի ալիք կա։
