ՆԱՏՕ-ն համառորեն պնդում է, որ անթույլատրելի է չեղյալ հայտարարել «բաց դռների» քաղաքականությունը դաշինքում։ Այս մասին ՌԴ Անվտանգության Խորհրդի նիստում հայտնել է ՌԴ արտգործնախարար Սերգեյ Լավրովը։
«Չնայած այս ամենին, նրանք, համառորեն պնդում են, որ «բաց դռների» այդ նույն քաղաքականության թուլացումն անթույլատրելի է, թեև դուք բազմիցս հրապարակայնորեն բացատրել եք, որ նման քաղաքականություն գոյություն չունի, այլ կա հնարավորություն, որը նախատեսված է վաշինգտոնյան պայմանագրում՝ ՆԱՏՕ-ի բոլոր անդամների համաձայնությամբ առաջարկել այս կամ այն երկրին միանալ դաշինքին երկու պայմանով. եթե այն համապատասխանում է անդամակցության չափանիշներին ու երկրորդը` ամենակարևորը, եթե այն ավելացնի Հյուսիսատլանտյան դաշինքի անվտանգությունը», – ասել է արտգործնախարարը։
Այնուհետև հավելել է, որ Արևմուտքը փորձում է «տարընթերցել» անվտանգության վերաբերյալ ռուսական առաջարկները՝ հեռացնելով որոշ կարևոր պահեր:
«Գործընկերները փորձում են առանձնացնել առանձին երկրորդական, թեև մեզ համար կարևոր պահեր, որոնք կնպաստեն երկխոսության պահպանմանը ու ռիսկերի նվազեցմանը, բայց չեն անդրադառնում ԱՄՆ-ի ու դրա դաշնակիցների արմատական շահերին ՆԱՏՕ-ի ընդլայնման հարցերում, չեն անդրադառնա նրանց ազատություններին ՆԱՏՕ-ի տարածքում ու մերձդնեստրյան տարածքում ուժերի կոնֆիգուրացիան որոշելու հարցում», – նշել է նա:
Արևմուտքից շարունակում են հայտարարություններ հնչել այն մասին, թե իբր Ռուսաստանը սադրանքներ է պատրաստում Ուկրաինայում, չնայած զորավարժություններից հետո ռուսական զորքերը վերադարձել են մշտական տեղակայման վայրեր։ Փետրվարի 14–ին ՌԴ նախագահը հանդիպում է ունեցել արտաքին գործերի նախարար Սերգեյ Լավրովի և պաշտպանության նախարար Սերգեյ Շոյգուի հետ։ ՌԴ պաշտպանության նախարարը Պուտինի հետ հանդիպման ժամանակ զեկուցել է, որ «զորավարժությունների մի մասը մոտենում է ավարտին, մի մասն էլ կավարտվի մոտ ժամանակներս»:
ՌԴ Հարավային և Արևմտյան ռազմական շրջանները սկսել են զորքերի վերադարձը տեղակայման վայրեր։Զորավարժություններից հետո զինվորականների վերադարձը տեղակայման վայրեր սովորական պրակտիկա է, ոչ մի նորություն չկա, ավելի վաղ լրագրողներին հայտարարել էր ՌԴ նախագահի մամուլի քարտուղար Դմիտրի Պեսկովը՝ պատասխանելով այն հարցին, թե արդյոք զորքերի հեռացումը նշանակում է Ուկրաինայի շուրջ իրադրության ապաէսկալացիա:
