Ռուսաստանի նախագահ Վլադիմիր Պուտինը հրամանագրեր է ստորագրել Լուգանսկի և Դոնեցկի անկախությունը ճանաչելու մասին։ Տեղեկությունը հայտնում է Ռիա Նովոստին։
Ավելի վաղ այդ խնդրանքով ՌԴ նախագահին դիմել էին ինքնավար հռչակված Դոնեցկի և Լուգանսկի Ժողովրդական Հանրապետությունների ղեկավարները։ Երկուշաբթի կայացած նիստում Անվտանգության խորհրդի անդամները պաշտպանել էին այդ նախաձեռնությունը՝ նշելով, որ Ուկրաինան ՌԴ-ին այլընտրանք չի թողել։
Վերջին օրերին սրվել է իրավիճակը Դոնբասում․ Կիևը անտեսում է պայմանավորվածությունները, բանակի մեծ մասը կենտրոնացրել է շփման գծում և պարբերաբար գնդակոծում է աշխարհազորայիններին, այդ թվում՝ արգելված տեխնիկայի կիրառմամբ։
Ինքնավար Հանրապետություններ Ուկրաինայի ներխուժման պատճառով կանանց, երեխաներին և տարեցներին սկսել են տարհանել Ռուսաստանի շրջաններ։ Հայտարարվել է համընդհանուր մոբիլիզացիա։
