ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը ԴԺՀ-ի և ԼԺՀ-ի անկախությունը ճանաչելու Ռուսաստանի որոշումը որակել է որպես Ուկրաինայի տարածքային ամբողջականության և ինքնիշխանության խախտում, որը չի համապատասխանում ՄԱԿ-ի կանոնադրության սկզբունքներին: Այս մասին ասված է երեքշաբթի օրը տարածված մեկնաբանության մեջ։
«Միավորված ազգերի կազմակերպությունը, Գլխավոր ասամբլեայի համապատասխան բանաձևերի համաձայն, առաջվա պես լիովին պաշտպանում է Ուկրաինայի ինքնիշխանությունը, անկախությունն ու տարածքային ամբողջականությունը՝ նրա միջազգայնորեն ճանաչված սահմանների շրջանակներում»,- նշել է Դյուժարիկը:
Ռուսաստանի նախագահ Վլադիմիր Պուտինը փետրվարի 21-ին Անվտանգության խորհրդի արտահերթ մեծ նիստից հետո ուղերձով դիմել Է ՌԴ քաղաքացիներին, հայտարարել է, որ անհրաժեշտ է համարում որոշում ընդունել անհապաղ ճանաչել ԼԺՀ-ի և ԴԺՀ-ի ինքնիշխանությունը, քանի որ նրանք, ովքեր ընտրել են արյունահեղության, բռնության և անօրինականության ուղին, չեն ճանաչել և չեն ճանաչում Դոնբասի հակամարտության որևէ այլ լուծում, բացի ռազմականից:
Դրանից անմիջապես հետո նախագահը Կրեմլում ստորագրել է հրամանագրեր՝ ԼԺՀ-ի և ԴԺՀ-ի ճանաչման մասին, ինչպես նաև օգնության պայմանագրեր:ԵՄ-ն և ՆԱՏՕ-ն հանդես են եկել այս որոշման դատապարտմամբ։
