Հավաքական անվտանգության պայմանագրի կազմակերպության կանոնադրությունը թույլ է տալիս ռազմական կամ խաղաղապահ ուժեր կիրառել միայն ՀԱՊԿ անդամ երկրների տարածքում, ուստի ՀԱՊԿ ուժերի գործուղումը Լուգանսկի և Դոնեցկի Ժողովրդական հանրապետություններ անհնար է: Տեղեկությունը, ՌԻԱ Նովոստիի փոխանցմամբ, հայտարարել է Ղազախստանի փոխվարչապետ, արտաքին գործերի նախարար Մուխտար Տլեուբերդին։
«Ոչ, անհնար է, քանի որ, ինչպես գիտեք, ՀԱՊԿ-ի կանոնադրությունը խստորեն սահմանափակում է ռազմական կամ խաղաղապահ ուժերի կիրառումը։Դրանք կարող են օգտագործվել միայն ՀԱՊԿ տարածքում»,- երեքշաբթի օրը լրագրողներին ասել է Տլեուբերդին։
Նա հիշեցրել է, որ «վերջերս ՀԱՊԿ-ի գլխավոր քարտուղարը մեկնաբանելէ ԴԺՀ և ԼԺՀ խաղաղապահ զորակազմ ուղարկելու հնարավորության հարցը»:«Ինչպես ասաց նա, դա հիպոթետիկ հարց է։ Այսինքն՝ դա գրեթե անհնար է։ Այնտեղ զորակազմ ուղարկելու հնարավորության համար, բնականաբար, պետք է բանաձև և ՄԱԿ-ի Անվտանգության խորհրդի համապատասխան մանդատը։ Բայց, ինչպես գիտեք, ՄԱԿ-ն ունի իր խաղաղապահ ուժերը, այդ պատճառով գործնական հարթությունում հարցն այլ կերպ է հնչում»,-պարզաբանել է Ղազախստանի արտգործնախարարը։
