ՀՀ տարածքային կառավարման և ենթակառուցվածքների նախարարի տեղակալ Հովհաննես Հարությունյանն այցելել է Սյունիքի մարզի «Ագարակի պղնձամոլիբդենային կոմբինատ» ՓԲԸ-ը և ծանոթացել արտադրական պրոցեսին, հետևել պոչամբարների վիճակին։ Այս մասին հայտնում է ՀՀ ՏԿԵ նախարարության մամուլի ծառայությունը։
Հարությունյանը ծանոթացել է նաև ջրի փակ շրջանառու համակարգին, որը ներդրվել է 2021 թ–ի ամռանը։ Ներկայում ջրի շրջանառությունն իրականացվում է ամբողջությամբ փակ համակարգով, որը գրեթե բացառում է շրջակա միջավայրի վրա բացասական ազդեցությունը, այդ թվում՝ տեխնիկական ջրերի հոսքը դեպի Արաքս գետ։
Աշխատանքային այցով Սյունիքում գտնվող փոխնախարարը այցելել է նաև «Զանգեզուրի պղնձամոլիբդենային կոմբինատ» ՓԲԸ։ Հարությունյանը կոմբինատի տարածքում ծանոթացել է արտադրական պրոցեսին։
Այցի շրջանակներում նախարարի տեղակալին են ներկայացվել նաև ընկերության զարգացման հնարավորությունները և պլանները։
