«Հյուսիսային հոսք 2» նախագիծը կարող է ամբողջությամբ դադարեցվել,այս մասին հայտարարել է Գերմանիայի էկոնոմիկայի նախարար և փոխկանցլեր Ռոբերտ Հաբեկը ARD հեռուստաալիքի եթերում։ Այս մասին հայտնում է Ռիա Նովոստին։
«Դա կարող է լինել, այսօրվա միջոցը պատժամիջոց չէ՝ բառի նեղ ու խիստ իմաստով, բայց դա դեռ հնարավոր է։ Մենք համակարգում ենք մեր եվրոպացի ու ամերիկյան գործընկերների հետ»։
Ավելի վաղ Գերմանիայի էկոնոմիկայի նախարարությունը Շոլցի անունից Դաշնային ցանցային գործակալությունից հետ էր վերցրել Nord Stream 2-ի մասին հաշվետվությունը, որի հիման վրա իրականացրել էր գազատարի օպերատորի հավաստագրումը։
Մինչ այս Գերմանիայի էկոնոմիկայի նախարարությունը՝ Անգելա Մերկելի գործընկեր Պետեր Ալթմայերի (ՔԴՄ) գլխավորությամբ, զեկույց էր ներկայացրել գերմանական կարգավորող մարմնին, որտեղ մատնանշում էր նոր ռուսական գազատարի անհրաժեշտությունը՝ Գերմանիայի էներգետիկ կարիքները բավարարելու համար։
«Հյուսիսային հոսք 2»-ը տարեկան 55 միլիարդ խորանարդ մետր հզորությամբ գազատար է Ռուսաստանից Բալթիկ ծովով մինչև Գերմանիա: Այն իրականացնում է Nord Stream 2 AG-ն իր միակ բաժնետեր Գազպրոմի հետ։ Եվրոպական գործընկերները՝ Royal Dutch Shell-ը, OMV-ն, Engie-ն, Uniper-ը և Wintershall-ը, կֆինանսավորեն նախագիծը կիսով չափ՝ յուրաքանչյուրը մինչև 950 միլիոն եվրո
