ԵՄ-ն մտադիր է պատժամիջոցներ կիրառել ՌԴ պաշտպանության նախարար Սերգեյ Շոյգուի և ռուսական «Ինտերնետ հետազոտությունների գործակալության» նկատմամբ՝ Ուկրաինայի շուրջ ստեղծված իրավիճակի պատճառով։ Տեղեկությունը հայտնում է The Wall Street Journal-ը:
«Ինտերնետ հետազոտությունների գործակալության» նկատմամբ պատժամիջոցներ են սահմանվում Ուկրաինայում տիրող իրավիճակի մասին ենթադրյալ ապատեղեկատվության տարածման պատճառով։
Պատժամիջոցների ցանկում կավելացվեն նաև նախագահի աշխատակազմի ղեկավար Անտոն Վայնոն և ՌԴ ռազմածովային ուժերի շտաբի պետերը։
ԵՄ արտաքին քաղաքականության և անվտանգության հարցերով գերագույն հանձնակատար Ժոզեֆ Բորելի խոսքով՝ նոր փաթեթը ներառում է պատժամիջոցներ Դոնբասի անկախության օգտին քվեարկած Պետդումայի 351 պատգամավորների նկատմամբ։
Բացի դրանից, Եվրամիությունը սև ցուցակում է ներառել 27 ֆիզիկական և իրավաբանական անձանց, այդ թվում՝ ռուսական բանկերի և կազմակերպությունների, որոնք Դոնբասում բիզնես գործունեություն են ծավալում:
