Ռուսական զորքերը հարձակվել են Ուկրաինայի վրա՝ Բելառուսի աջակցությամբ։ Այս մասին ասվում է Ուկրաինայի սահմանային ծառայության ֆեյսբուքյան հաղորդագրության մեջ։
Գործակալության տվյալներով՝ հարձակումը սկսվել է առավոտյան ժամը մոտ 5:00-ին ռուս-ուկրաինական և բելառուսա-ուկրաինական սահմանին։
Հարձակումները տեղի են ունենում Լուգանսկի, Սումիի, Խարկովի, Չեռնիգովի և Ժիտոմիրի շրջաններում, ինչպես նաև Ղրիմի կողմից։ Հարձակման են ենթարկվել սահմանապահ ստորաբաժանումները, սահմանապահ ջոկատները և անցակետերը, ռուս զինվորականները կիրառել են հրետանի, ծանր տեխնիկա և հրետանային զինատեսակներ, ասվում է զեկույցում։
Նաև Ուկրաինայի սահմանապահ ծառայությունն արձանագրել է «հակառակորդի դիվերսիոն-հետախուզական խմբերի» աշխատանքը։ «Կախված սահմանային հատվածներում ստեղծված իրավիճակից՝ սահմանապահները Ուկրաինայի զինված ուժերի և Ուկրաինայի ազգային գվարդիայի հետ միասին կրակում են հակառակորդի ուղղությամբ։ Սահմանապահների շրջանում վնասվածքների վերաբերյալ տեղեկությունը ճշտվում է»,- գրում է գործակալությունը
