ՄՀՀ արևմտյան լանջի 4 գոտիներում մաքրման աշխատանքները շարունակվում են:
Այս մասին հայտնում է «Կանաչապատում և շրջակա միջավայրի պահպանություն» ՀՈԱԿ-ի կայքէջը։ Նշելով, որ 147 հոգանոց աշխատախումբ է աշխատում զուգահեռաբար բոլոր գոտիներում։ Հայտնելով, որ այս պահին արդեն առաջին և չորրորդ գոտիներն ամբողջությամբ մաքրվել են աղբից ու քարերից։
Մյուս գոտիներում ընթանում են մացառներից ու չոր ճյուղերից մաքրման և խոտհունձի աշխատանքներ։ Մինչև հիմա ընդհանուր տարածքից դուրս է բերվել 127 մեքենա աղբ, քար, չորուկ։
Տարածքի ոռոգման համակարգի վիճակի նախնական դիտարկում է իրականացվել, որի հիման վրա կստուգվի խողովակների վիճակը, կհայտնաբերվեն վնասված հատվածներն ու կնորոգվեն։ Սկսվել են տնկվելիք ծառերի տեղանշումներն ու փոսերի փորման աշխատանքները։
