Ամերիկացի երգչուհի Շերը մեկնաբանել է Ուկրաինայի շուրջ ստեղծված իրավիճակը՝ բաժանորդներին պատմելով, թե ինչու է այս երկիրն այժմ այդքան կարևոր ԱՄՆ-ի համար։ Այս մասին աստղը գրել է Twitter-ի իր էջում չորեքշաբթի՝ փետրվարի 23-ին։
Երգչուհու խոսքով՝ ՌԴ նախագահ Վլադիմիր Պուտինը ցանկանում է վերակենդանացնել ԽՍՀՄ-ը։
«Ինչու՞ է Ուկրաինան կարևոր ԱՄՆ-ի համար: Պուտինը դեսպոտ է, Թրամփի հերոսը, և եթե հնարավորություն տրվի, Պուտինը կխլի ինքնիշխան երկրները, և կվերակենդանացնի ԽՍՀՄ-ը։
Դա Եվրոպան կդարձնի փոքր և անպաշտպան: Ռուսաստանը, Չինաստանը, սաուդցիները ցանկանում են մեզ ծնկի բերել, և նրանք տեսնում են դրա կատարյալ հնարավորությունը: Նրանք տեսնում են ատելություն, պառակտում, թուլություն»,- ասել է Շերը:
