Դոնեցկի Ժողովրդական Հանրապետության Գորլովկա քաղաքում դպրոցի շենքի գնդակոծության հետևանքով երկու ուսուցիչ են զոհվել։ Այս մասին հայտնել է քաղաքի վարչակազմի ղեկավար Իվան Պրիխոդկոն:
«Թիվ 50 դպրոցի ռմբակոծության արդյունքում երկու ուսուցիչ է զոհվել»,-գրել է Պրիխոդկոն իր Telegram ալիքում։
Ավելի վաղ Պրիխոդկոն հայտնել էր, որ դպրոցը արկի ուղիղ հարված է ստացել։
ԴԺՀ-ից հայտնել են նաև, որ Ուկրաինայի զինված ուժերի կողմից ռմբակոծության հետևանքով Դոնեցկում վնասվել է մասնագիտացված մանկան տունը։Գորլովկան 2014 թվականից ի վեր գտնվում է Դոնեցկի Ժողովրդական Հանրապետության վերահսկողության տակ, գտնվում է Դոնեցկից 50 կմ դեպի հյուսիս:
Քաղաքի տարածքում գտնվում են ածխարդյունահանող ձեռնարկություններ և «Ստիրոլ» քիմիական կոնցեռնը։Գորլովկան ԴԺՀ-ի խոշորագույն քաղաքներից մեկն է։ Այս պահին Գորլովկայի ամենահաճախ ռմբակոծվող հատվածները քաղաքի արվարձաններում գտնվող Զայցևո ավանն է և Գագարինի անվան ու 6/7 հանքային ավանները։ Դոնբասի հակամարտությունից առաջ Գորլովկայի բնակչության թիվը հասնում էր ավելի քան 250 հազար մարդու։
