“Сбербанк”-ը հայտնվել է ԱՄՆ պատժամիջոցների տակ. Էլ ո՞ւմ է պատժել Բայդենը Ուկրաինա ներխուժելու համար

ԱՄՆ նախագահ Ջո Բայդենը, ելույթ ունենալով Սպիտակ տանը, հայտարարել է, որ Ռուսաստանի հարձակումն Ուկրաինայի վրա ծրագրված էր և ոչ հրահրված։ Նա Պուտինին անվանել է ագրեսոր, իսկ Ուկրաինա ներխուժումը հարձակում հենց խաղաղ համակեցության սկզբունքների վրա։ Այդ գործողությունները, ասել է Բայդենը, անպատասխան չեն մնա։

Միացյալ Նահանգների նախագահն ասել է, որ ինքը պայմանավորվել է G7-ի՝ աշխարհի առաջատար արդյունաբերական երկրների առաջնորդների հետ, որ նրանք միասին կսահմանափակեն Ռուսաստանի՝ դոլարով, եվրոյով, ֆունտով և իենով բիզնես անելու հնարավորությունը և դրանով իսկ կսահմանափակեն Ռուսաստանի համաշխարհային տնտեսության մաս մնալու հնարավորությունը։

Պատժամիջոցների նոր փաթեթի մասին հայտարարելիս նա ասաց, որ միջոցառումները նախատեսված են առավելագույնի հասցնելու երկարաժամկետ ազդեցությունը Ռուսաստանի վրա և նվազագույնի հասցնելու ազդեցությունը Միացյալ Նահանգների և նրա դաշնակիցների վրա:

ԱՄՆ-ն կխաթարի Ռուսաստանի կարողությունը՝ ֆինանսավորելու և զարգացնելու իր բանակը, իսկ պատժամիջոցները կխաթարեն երկրի մրցունակությունը բարձր տեխնոլոգիական 21-րդ դարում,- ասել է Բայդենը:

Մանրամասները՝ սկզբնաղբյուրում։