Ուկրաինայի նախագահի խորհրդական Ալեքսեյ Արեստովիչը հաստատել է, որ Կիևը հրաժարվել է բանակցել Ռուսաստանի հետ։ Նրա խոսքով, մերժումը թելադրված էր ռուսական կողմի առաջադրած պահանջները չընդունելու ցանկությամբ։
«Ես հենց նոր իմացա, որ Ուկրաինան հրաժարվել է բանակցություններից, քանի որ այն պայմանները, որոնք ռուսական կողմը փոխանցել է միջնորդների միջոցով, մեզ չեն բավարարում։
Դա մեզ ստիպելու փորձ էր հանձնվել։ Մենք նրանց ազդանշան տվեցինք, որ հնարավոր խաղաղության պայմանագրի պայմանները հնարավոր են Կիևի, ոչ թե Մոսկվայի պայմաններով»,- ասել է Ուկրաինայի նախագահի խորհրդական Ալեքսեյ Արեստովիչը։
Ավելի վաղ Կրեմլում հայտնել էին Կիևի՝ բանակցություններից հրաժարվելու մասին։ ՌԴ նախագահի մամուլի խոսնակ Դմիտրի Պեսկովը հայտնել է, որ դրանից հետո ռուսական բանակը շարունակել է առաջխաղացումը, որը, իբր, դադարեցվել է ուրբաթ օրը՝ հնարավոր բանակցությունների ֆոնին։
