Ռուս հումորիստները բաց նամակով կոչ են արել «պարոն նախագահին» դադարեցնել Ուկրաինայի հետ պատերազմը։ «Մենք՝ հումորիստների ամբողջ կազմով դեմ ենք այն պատերազմին, որն այժմ ընթանում է Ուկրաինայի տարածքում»։
«Մեր կյանքի նպատակը բառացիորեն ուղղված է նրան, որ մարդիկ այլ տեսանկյունից նայեն իրենց խնդիրներին, ծիծաղեն ու ուրախանան։ Բայց կան բաներ ու երևույթներ, որոնք ցանկացած տեսանկյունից միայն մեկ զգացում են առաջացնում՝ վախ, զայրույթ, կորստի և անօգնականության զգացում: Եվ այդ երեւույթներից մեկը պատերազմն է։ Մարդիկ մահանում են, քաղաքները ավերվում են, խուճապ ու վախ է նստում բոլորի ներսում, ովքեր չեն կարողանում ազդել իրավիճակի վրա։
Մարդը սովորել է խոսել, որպեսզի խոսի ու բանակցի։ Ուստի մենք ձեզ կոչ ենք անում դադարեցնել ռազմական գործողությունները Ուկրաինայի տարածքում և լուծել տարաձայնությունները բանակցությունների միջոցով։
Լուրը հրապարակելու պահին այն ստորագրել է ավելի քան 260 մարդ, այդ թվում՝ Ալեքսանդր Դոլգոպոլովը, Միխայիլ Շացը, Արթուր Չափարյանը, Գարիկ Հովհաննիսյանը, Վերա Կոտելնիկովան, Դենիս Ալիենը, Սլավա Կոմիսարենկոն, Իդրակ Միրզալիզադեն»։
