Հարավային Կորեան և Սինգապուրը հայտարարել են, որ նույնպես պատժամիջոցներ կկիրառեն Ռուսաստանի դեմ. երկու երկրներն էլ կարգելեն ռազմական և երկակի նշանակության ապրանքների արտահանումը, իսկ Կորեան նաև կաջակցի SWIFT-ից ռուսական բանկերի անջատմանը։
Рейтер-ի փոխանցմամբ՝ Հարավային Կորեայի՝ արեւմտյան երկրներին միանալու եւ Ռուսաստանի դեմ պատժամիջոցներ կիրառելու որոշման մասին երկուշաբթի օրը հայտարարել է երկրի արտաքին գործերի նախարարությունը։
Սինգապուրի մտադրությունների մասին երկուշաբթի օրը խորհրդարանում հայտարարել է արտգործնախարար Վիվիան Բալակրիշնանը։ «Սինգապուրը մտադիր է գործել բազմաթիվ այլ համախոհ երկրների հետ համաձայնությամբ և համապատասխան պատժամիջոցներ ու սահմանափակումներ կիրառել Ռուսաստանի դեմ»,- նախարարի խոսքը մեջբերում է Strait Times-ը։
Պարբերականը հայտնում է, որ Սինգապուրը սահմանափակումներ կսահմանի Ռուսաստան ցանկացած ապրանքի արտահանման վրա, որը կարող է օգտագործվել ուկրաինացիների դեմ։
