Ուկրաինայի նախագահ Վլադիմիր Զելենսկին դիմել է ԵՄ-ին՝ նոր հատուկ ընթացակարգով անհապաղ Եվրամիությանը անդամակցելու խնդրանքով։ Նա այդ մասին խոսել է Telegram-ում հրապարակված տեսաուղերձում։
«Մենք դիմում ենք Եվրամիությանը Ուկրաինայի՝ նոր, հատուկ ընթացակարգով անդամակցության հարցով։ Մենք շնորհակալ ենք գործընկերներին, որ մեր կողքին են, բայց մեր նպատակն է լինել բոլոր եվրոպացիների հետ և, ամենակարևորը, հավասար պայմաններում», – ասել է Զելենսկին։
Ավելի վաղ նա հայտարարել էր, որ եկել է վճռորոշ պահը, որպեսզի դադարեցվեն բազմամյա քննարկումները, և որոշում կայացվի ԵՄ-ին Ուկրաինայի անդամակցության մասին:
